เวชฺชาจริย กณฺฑ
[286]
อายุเพทกตาภฺยาโส , สพฺเพสํ ปิยทสฺสโน;
อริยสีลคุโณเปโต, เอส เวชฺโช วิธียเตฯ
[287]
นานาคนฺถชานนญฺจ, สุทิฏฺฐกมฺมสมฺปทา;
ทกฺขตา หตฺถสีฆตา, ปสาทสูรสตฺติตาฯ
[288]
สาภาวิกตงฺขณิก-ญาณสุภาสิตาปิ จ;
อุสฺสาโห ทพฺโพ สพฺพตา, เวชฺชาเจรสฺส ลกฺขณํ;
[289]
กิลิฏฺฐวตฺถํ โกโธ จ, อติมานญฺจ คมฺมตา;
อนิมนฺติตคมนํ, เอเต ปญฺจ วิวชฺชิยาฯ
[290]
ทิฏฺฐกมฺมตา โสจญฺจ, ทกฺขตา วิทิตาคโม;
จตฺตาโร สุภิสกฺกสฺส, สุคุณา วิญฺญุนา มตาฯ
[291]
รุชาย ชยลกฺขณํ, รโส จ เภสชฺชมฺปิ จ;
ติลกฺขณเภโท เจว, วิญฺเญยฺโย ภิสกฺเกน เวฯ
ทาสก กณฺฑ
[292]
อนฺโตชาโต ธนกฺกีโต, ทาสพฺโยปคโต สยํ;
ทาสากรมรานีโต-จฺเจวํ เต จตุธา สิยุํฯ
[293]
ปุพฺพุฏฺฐา ปจฺฉานิปาตี, ทินฺนสฺส อาทายีปิ จ;
สุกตกมฺมกโร จ, กิตฺติวณฺณหโรปิ จฯ
[294]
ทาสา 0.0177 ปญฺเจว โจรยฺย-สขาญาตฺยตฺตสาทิสา;
ตถา วิญฺญูหิ วิญฺเญยฺยา, มิตฺตทารา จ พนฺธวาฯ